BBK11: ಭಲೇ ಹನುಮಂತ.. ಕಿಲಾಡಿ ಆಟಕ್ಕೆ ಬೆಚ್ಚಿ ಬಿದ್ದ ಬಿಗ್ ಬಾಸ್ ಮನೆಯ ಸದಸ್ಯರು; ಆಗಿದ್ದೇನು?
- ಬಿಗ್ಬಾಸ್ ಮನೆಗೆ ಮೊದಲ ವೈಲ್ ಕಾರ್ಡ್ ಆಗಿ ಎಂಟ್ರಿ ಕೊಟ್ಟಿದ್ದ ಗಾಯಕ
- ಮೊದ ಮೊದಲು ತಮ್ಮನ್ನು ತಾವೇ ನಾಮಿನೇಟ್ ಮಾಡಿಕೊಂಡಿದ್ದ ಹನುಮಂತ
- ಬಿಗ್ಬಾಸ್ ಕೊಟ್ಟ ಟಾಸ್ಕ್ನಲ್ಲಿ ಗೆದ್ದು ಬೀಗಿದ ಫೇಮಸ್ ಗಾಯಕ ಹನುಮಂತ
ಕನ್ನಡದ ಬಿಗ್ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 11ರ ನಾಲ್ಕನೇ ಕ್ಯಾಪ್ಟನ್ ಆಗಿ ಗಾಯಕ ಹನುಮಂತ ಆಯ್ಕೆ ಆಗಿದ್ದಾರೆ. ಬಿಗ್ಬಾಸ್ ಮನೆಗೆ ವೈಲ್ ಕಾರ್ಡ್ ಮೂಲಕ ಎಂಟ್ರಿ ಕೊಟ್ಟಿದ್ದ ಹನುಮಂತ ಆಟ ನೋಡಿ ಶಾಕ್ ಆಗಿದ್ದಾರೆ.
ಮೊದಲು ಬಿಗ್ ಮನೆಗೆ ಬರುತ್ತಿದ್ದಂತೆ ಹನುಮಂತ ಅವರಿಗೆ ಅದೃಷ್ಟ ಒಲಿದಿತ್ತು. ಇದೀಗ ಬಂದ ಮೊದಲ ವಾರವೇ ಬಿಗ್ಬಾಸ್ ಮನೆಯ ಕ್ಯಾಪ್ಟನ್ ಆಗಿ ಹೊರ ಹೊಮ್ಮಿದ್ದಾರೆ. ಅದು ಕೂಡ ಕೊನೆಯ ಕ್ಷಣದಲ್ಲಿ ಬಿಗ್ಬಾಸ್ ಕೊಟ್ಟ ಟಾಸ್ಕ್ನಲ್ಲಿ ಅಚ್ಚರಿಯ ರೀತಿಯಲ್ಲಿ ಗೆದ್ದು ಬಂದಿದ್ದಾರೆ.
ಮನೆಯ ಕೆಲ ಸ್ಪರ್ಧಿಗಳು ಈ ಕ್ಯಾಪ್ಟನ್ಸಿ ಆಟವನ್ನು ಗೆಲ್ಲಲು ಹಲವಾರು ಪ್ರಯತ್ನಗಳನ್ನು ಮಾಡಿದ್ದರು. ಆದರೆ ಅವರ ಎಲ್ಲ ಪ್ಲಾನ್ಗಳು ವರ್ಕ್ ಆಗಲಿಲ್ಲ. ಆದರೆ ಕೊನೆಗೆ ತನ್ನ ಆಟದ ಮೇಲೆ ಹಾಗೂ ತಮ್ಮ ಫೋಟೋ ಮೇಲೆ ಗಮನವಿಟ್ಟು ಬಿಗ್ಬಾಸ್ ಕ್ಯಾಪ್ಟನ್ ಆಗಿ ಗೆದ್ದು ಬೀಗಿದ್ದಾರೆ.
ಇನ್ನು ಹನುಮಂತನ ಆಟ ನೋಡಿ ಮನೆ ಮಂದಿ ಶಾಕ್ ಆಗಿದ್ದಾರೆ. ಅಲ್ಲದೇ ಹನುಮಂತ ಏನೂ ಅಲ್ಲ ಅಂತ ಹೇಳಿದ್ದವರು ಬಾಯಿ ಮುಚ್ಚಿಕೊಳ್ಳುವಂತೆ ಮಾಡಿದ್ದಾರೆ. ಸದ್ಯ ನಾಲ್ಕನೇ ವಾರಕ್ಕೆ ಕ್ಯಾಪ್ಟನ್ ಆಗಿದ್ದಕ್ಕಾಗಿ ಮನೆ ಮಂದಿ ಅಭಿನಂದನೆ ತಿಳಿಸಿದ್ದಾರೆ. ಸದ್ಯ ಈ ಮುಂದಿನ ವಾರ ಬಿಗ್ಬಾಸ್ ಮನೆಯನ್ನು ಹಾಗೂ ಸ್ಪರ್ಧಿಗಳನ್ನು ಹೇಗೆ ನಿಭಾಯಿಸುತ್ತಾರೆ ಅಂತ ಕಾದು ನೋಡಬೇಕಿದೆ.
